Në këto momente të vështira, Lara Gut i qëndron pranë Behramit

“Si bashkëshorte e tij, Valonit i qëndroj pranë gjithmonë. Gjithashtu edhe tani!,” thotë mbretëresha e skijimit Lara Gut, për “Blick”. “Unë jam tifozja e tij më e zjarrtë dhe përpiqem të ndjek secilën ndeshje të tij. Por kjo varet edhe nga stërvitjet dhe garat e mia.”

(KEYSTONE/Laurent Gillieron)

Valon Behrami (33) nuk është më në planin e trajnerit helvet Vladimir Petkovic. Me një telefonatë gjysëm minutëshe ai sqaroi djalin nga Mitrovica se nuk mund të jetë pjesë e NATI. Në këto kushte aspak të volitshme për luftëtarin, në prehje i ka ardhur bashkëshortja Lara Gut, shkruan albinfo.ch.

33 vjeçari sapo u martua dhe tani ndodhet në qiellin e shtatë. Bashkëshortja Lara Gut jo vetëm që e ka mbështetur privatisht, por edhe në publik.

“Si bashkëshorte e tij, Valonit i qëndroj pranë gjithmonë. Gjithashtu edhe tani!,” thotë mbretëresha e skijimit Lara Gut, për “Blick”. “Unë jam tifozja e tij më e zjarrtë dhe përpiqem të ndjek secilën ndeshje të tij. Por kjo varet edhe nga stërvitjet dhe garat e mia.”

Në të njëjtën kohë Lara thekson se “ai nuk më përzihet në karrierën time, ashtu siç nuk i përzihem unë në karrierën e tij. Thjesht ne mbështesim njëri-tjetrin në çdo situatë.”