Futboll
Vetëm një ia kalon Shaqirit: Ai është Behrami, pjesëmarrës në 6 kampionate
Më shumë se ai, pjesëmarrës në kampionate ka qenë vetëm shqiptari tjetër: Valon Behrami. Ai mban rekordin, me 6 pjesëmarrje në kampionatet botërore dhe evropiane
Në një prezantim prej një faqeje që gazeta Blick i bën në numrin e saj të sotëm Xherdan Shaqirit, zgjedh momentet më të rëndësishme të karrierës së gjatë të yllit shqiptarozviceran në fanellën e kombëtares së Zvicrës.
Në mesin e shumë arritjeve gazeta veçon het trikun e Shaqirit në Kampionatin Botëror të Futbollit, të mbajtur në vitin 2014 në Brazil, transmeton albinfo.ch.
Ai, në ndeshjen kundër Hondurasit, jo vetëm që kishte shënuar tre gola, por kishte thyer edhe rekordin botëror për golin më të shpejtë (llogaritur nga fillimi i ndeshjes), duke qëlluar në minutën e gjashtë të lojës. Rekordin e deriatëhershëm e kishte mbajtur gjermani Leopold Kielholz, i cili në vitin e largët, 1934 kishte shënuar në minutën e shtatë kundër Holandës.
Në vitin 2016 Shaqiri sërish ndodhet nën dritën e reflektorëve: ai shënon golin që është njohur zyrtarisht si më i bukuri në Kampionatin Evropian që atë vit po mbahej në Francë.
Në Kampionatin Botëror të mbajtur në vitin 2018 në Rusi, Shaqiri së bashku me Xhakën, i mbështetur edhe nga Lichtsteiner bëjnë simbolin e famshëm të shqiponjë, shkruan albinfo.chs. Ky gjest kishte ngjallur debat të nxehtë në mediat zvicerane e më gjerë dhe, për më tepër, i kishte sjellë dënim me të holla të tre protagonistëve.
Duke marrë pjesë në 5 kampionate ebvropiane e botërore deri më sot, Shaqiri është në 5-shen e madhe të përbërë nga: Lichtsteiner, Barnetta, Djourou dhe Fernandez. Më shumë se ai ka marrë pjesë në kampionate vetëm edhe shqiptari tjetër: Valon Behrami, transmeton albinfo.ch. Ai mban rekordin historik ndër lojtarët e Zvicrës, me 6 pjesëmarrje në kampionatet botërore dhe evropiane deri më sot.
Të ngjashme
Të tjera nga Futboll
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor