Lajme
Në Kosovë zbarkojnë mjekët italianë
Ministri i Shëndetësisë, Armend Zemaj, ka kërkuar nga Italia që të dërgojë profesionistë shëndetësorë, veçanërisht mjekë të reanimacionit dhe anesteziologë, për të ndihmuar vendin në luftën me COVID-19
Ekipi mjekësor ushtarak nga Italia që do të ndihmojë vendin në luftën me pandeminë COVID-19, tashmë ka arritur në Kosovë.
Lajmin e ka konfirmuar zëdhënësja e Ambasadës së Italisë në Kosovë, Arjeta Halitaj.
Ajo ka bërë me dije se shumë shpejt do të organizojnë një konferencë për media lidhur me këtë çështje.
“Ekipi i mjekëve sot ka mbërritur në Kosovë dhe shumë shpejt do të organizojmë një konferencë për media”, ka thënë Halitaj.
Sipas Ministrisë së Shëndetësisë, pjesë e këtij ekipi do të jenë katër mjekë.
Ndryshe, ditë më parë, ministri i Shëndetësisë, Armend Zemaj, ka kërkuar nga Italia që të dërgojë profesionistë shëndetësorë, veçanërisht mjekë të reanimacionit dhe anesteziologë, për të ndihmuar vendin në luftën me COVID-19, raporton GE, përcjell Albinfo.ch.
Një kërkesë të tillë, Zemaj e ka bërë në një takim që ka pasur me Ambasadorin e Italisë në Kosovë, Nicola Orlando.
Zemaj kishte njoftuar se kanë bërë marrëveshje me palën italiane për sjelljen e disa mjekëve dhe kishte falënderuar Italinë për mbështetjen e vazhdueshme për Kosovën gjatë këtyre viteve.
“Kërkova që Italia të na ndihmojë duke na dërguar profesionistë shëndetësorë, veçanërisht mjekë të reanimacionit, anesteziologë, që me përvojën e tyre të na mbështesin në këtë kohë të pandemisë. Javë më parë ne kemi bërë marrëveshje përkatëse me palën italiane për sjelljen e disa mjekëve në Kosovë për të ndihmuar në përballje me Covid19”, kishte shkruar Zemaj.
E-Diaspora
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës I riu shqiptar vlerësohet lart për intelegjencë, kualifikohet në finalen e kampionatit të matematikës në Bocconi...
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip
-
LAPSH e Cyrihut përshëndet përpjekjet për institucionalizimin e mësimit shqip në diasporë
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi
Jeta në Zvicër
-
Medina Jusufi Berisha, punon në profesionin që kishte ëndërruar si fëmijë Medina Jusufi Berisha është stjuardesa më e re në kompaninë ajrore zvicerane CHAIR. Ajo është lindur...
-
Aviokompania zvicerane që flet shqip
-
Buxheti i mbrojtjes i propozuar prej 15 miliardë frangash, pritet të dështojë
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave