Lajme

Në Mal të Zi mbyllen kutitë e votimit, shqiptarët garuan të ndarë

E diel, 30 Gusht 2020 - 21:30 albinfo.ch
Ilustrim

Në orën 20.00 janë mbyllur qendrat e votimeve për zgjedhjet parlamentare në Mal të Zi, në të cilat marrin pjesë gjashtë koalicione dhe pesë parti politike, raporton tch, përcjell Albinfo.ch.

Zgjedhjet lokale po mbahen edhe për komunat Budvë, Kotor, Tivat, Andrijevicë dhe Gucia.

Sipas të dhënave të Qendrës për transicion demokratik CDT, 74.2 për qind e votuesve, ose 400,600 qytetarë votuan në zgjedhjet e sotme parlamentare deri në orën 19.00, ose 3.3 për qind më shumë se në zgjedhjet parlamentare 2016, kur 70.9 për qind e votuesve votuan deri në orën 19:00.

 

Këto janë zgjedhjet e 11-ta që nga hyrja e sistemit shumëpartiak në Mal të Zi, kurse të pestat që nga rivendosja e pavarësisë. Në këto zgjedhje parlamentare marrin pjesë 11 lista zgjedhore, prej të cilave gjashtë koalicione dhe pesë parti politike.

Pjesë e zgjedhjeve janë dhe partitë shqiptare, të cilat garojnë vetëm në dy koalicione, ndërsa partia e Gjukanoviçit kërkon fitoren e njëmbëdhjetë pas 30 vjetësh në pushtet.

Zgjedhjet u monitoruan nga 2.098 vëzhgues, prej të cilëve 265 të huaj.

 Të tjera nga Lajme

Kandersteg/BE: Mbyllet pishina për shkak të rrjedhjes së ujit

 E-Diaspora

 Jeta në Zvicër