Në malet e Zvicrës, bora arrin trashësinë prej 15 cm

“Natën që kaloi, te ne ka pasur rreth 15 centimetra borë të re”, ka thënë një kujdestar i një shtëpie malore në Engadin

Sipas kalendarit ende jemi në stinën e verës por në mëngjesin e sotëm, në disa zona malore të Zvicrës është regjistruar prania e një shtrese të re të borës. Fjala është për zona që gjenden në lartësi nga 2300 deri 2500 metra por në Kantonin Graubünden ka pasur reshje bore edhe në lartësinë rreth 2100 metra mbi nivelin e detit, shkruan 20minuten.ch.

(Fotot: 20minuten.ch)

“Natën që kaloi, te ne ka pasur rreth 15 centimetra borë të re”, ka thënë një kujdestar i një shtëpie malore për gazetën, transmeton albinfo.ch. Ai ka folur për majen Chamanna Coaz në Engadin, që është në një lartësi prej 2610 metrash. Atij i është dashur të pastronte borën rreth shtëpisë ndërsa e shoqja, për shkaqe sigurie, ka përcjellë deri në stacionin hekurudhor katër norvegjezë të cilët kishin kaluar natën në shtëpinë malore.

Edhe në hapësirat rreth kësaj maje mali, është regjistruar një shtresë bore prej 7-8 centimetrash.

---