Në Zagreb hapet Lektorati i Gjuhës Shqipe

Në Zagreb do të hapet së shpejti Lektorati i Gjuhës Shqipe që I paraprinë Katedrës së Albanologjisë në Zagreb.

Kështu ka njoftuar deputetja shqiptare në parlamentin kroat, Ermina Lekaj Prjlaskaj.

“Të nderuar bashkëatëdhetarë, ju njoftoj që së shpejti në Fakultetin Filozofik në Zagreb do të hapet Lektorati i Gjuhës Shqipe që i paraprinë Katedrës së Albanologjisë në Zagreb. Gjatë vitit 2017/2018 së bashku me Ambasadorin e Republikës së Kosovës, Gëzim Kasapolli jemi takuar dhe kemi lobuar në Ministrinë e Arsimit në Kroaci, tek rektori dhe dekania e fakultetit filozofik”, ka shkruar deputetja.

Sipas saj, Ministria e Arsimit me ndihmës ministren, Franic e ka aprovuar projektin dhe sot është dëfinuar që në semestrin e dytë dimëror hapet Lekotrati ku do të ligjëroj një profesor nga Prishtina, Ranko Mataseviq nga Zagrebi.

“Të dashur bashkëatëdhetarë kjo është edhe një ndër premtimet e dhëna. Falendëroj ambasadorin e Kosovës për mbështetje dhe bashkëpunim!”, ka shkruar deputetja shqiptare.

---