Lajme
Në Zvicër nuk ka infeksione të konfirmuara me koronavirus
Gripi sezonal mund të jetë gjithashtu shkak për rastet e dyshuara si infektime me koronavirus, ka thënë zëdhënësi i BAG, Daniel Dauwalder
Deri më tani nuk raportohet për asnjë infeksion të konfirmuar me virusin e ri koronavirus në Zvicër, ka bërë të ditur Zyra Federale e Shëndetit Publik (BAG) për agjencinë e lajmeve Keystone-SDA
Gripi sezonal mund të jetë gjithashtu shkak për rastet e dyshuara si infektime me koronavirus, ka thënë zëdhënësi i BAG, Daniel Dauwalder, transmeton albinfo.ch. U takon mjekëve dhe spitaleve të sqarojnë nëse një pacient me simptoma të gripit duhet të testohet edhe për virusin e ri.
Faktor vendimtar për të bërë testime të tilla është nëse personat konkretë kanë qenë në Kinë dhe veçanërisht në Wuhan apo nëse kanë pasur kontakte me njerëz nga Kina, shpjegon më tutje Dauwalder. Mjekët gjithashtu duhet të vendosin vetë nëse personat e dyshuar duhet të karantinohet dhe nëse duhet të ekzaminohen të afërmit e tyre.
Në fillim të javës, BAG ka shtrënguar detyrimin e raportimit për rastet e dyshuara me virusin e ri kinez, përcjell albinfo.ch. Mjekët dhe laboratorët tani duhet të raportojnë në kantone dhe në Qeverinë Federale për rastet e dyshuara me infeksion, brenda dy orësh.
Mbrëmë, (e dielë) është raportuar se dy persona ishin duke u trajtuar në Spitalin Triemli të qytetit të Cyrihut, për të cilat nuk mund të përjashtohet se janë të prekur nga sëmundja e re e mushkërive, transmeton albinfo.ch.
Kjo ishte konfirmuar edhe nga menaxhmenti i spitalit të Cyrihut: “Dy persona aktualisht po ekzaminohen në Spitalin e Qytetit Triemli, të cilët tregojnë shenja të infeksionit, pas një qëndrimi në Kinë. Dy personat në fjalë janë në karantinë për shkak se koronavirusi mund të jetë shkaku i simptomave të tyre krahas patogjenëve të tjerë konvencionalë.
Spitali i Qytetit Triemli është i përgatitur mirë dhe posaçërisht ka përvojë në trajtimin e pacientëve që mund të jenë bartësit e një patogjeni të ri, të panjohur më parë.
Të ngjashme
Të tjera nga Lajme
E-Diaspora
-
Mitrovicasi Semir Aliti nënshkroi kontratë me ekipin holandez, PSV Ky është “Iniesta i Mitrovicës” që ka nënshkruar kontratë me PSV-në...
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën