Lajme

Nga 22 janari, të vaksinuarve nuk u kërkohet testi për hyrje në Zvicër

Ndërsa detyrimi për tregim të testit vazhdon të ekzistojë për personat që nuk janë vaksinuar dhe që nuk janë shëruar

Nga e shtuna, më 22 janar, personat e vaksinuar dhe të shëruar nuk janë të detyruar të tregojnë teste PCR dhe as teste të shpejta të antigjenit përpara se të hyjnë në Zvicër, transmeton albinfo.ch

Ndërsa detyrimi për tregim të testit vazhdon të ekzistojë për personat që nuk janë vaksinuar dhe që nuk janë shëruar, të cilët duan të hyjnë në Zvicër.

Po ashtu për njerëzit që nuk janë vaksinuar dhe as nuk janë shëruar, nuk ekziston më detyrim për të bërë një test të dytë, katër deri në shtatë ditë pas hyrjes, siç ishte vendosur më parë, thuhet në një komunikatë të BAG.

Ndërsa formulari i hyrjes tani duhet të plotësohet vetëm nga njerëzit që udhëtojnë për në Zvicër me avion ose autobus në distanca të gjata.

Nga 25 janari do të hiqet edhe detyrimi për mbledhjen e të dhënave të kontaktit, përcjell albinfo.ch.

Kohët e fundit, ky detyrim ka vazdhuar të ekzistojë vetëm për diskotekat dhe ngjarjet e caktuara.