Nga 26 prilli ndërpritet prodhimi i bankënotës së 500 eurove

Bankënotat prej 500 eurosh të cilat janë ende në qarkullim, vazhdojnë të jenë mjete zyrtare të pagesës, të lejuara me ligj dhe mund të këmbehen në mënyrë të pakufizuar

Në “serinë evropiane” të bankënotave të reja të euros, të cilat do të jenë të pajisura me karakteristika të përmirësuara të sigurisë, nuk parashihet bankënota e 500 eurove.

Ditët e bankënotës së 500 eurove janë të numëruara. Vetëm deri më 26 prill 2019 mund të merren këto bankënota me ngjyrë lila në Bankën Federale të Gjermanisë dhe në Bankën Nacionale të Austrisë, shkruan cash.ch.

Banka gjermane nuk ka konstatuar javëve të fundit ndonjë fluks të shtuar të kërkimit të këtyre bankënotave, në prag të ndërprerjes së emetimit të tyre, transmeton albinfo.ch. Kërkesa në Gjermani është stabile prej filllimit të këtij viti.

17 bankat tjera qendroere nacionale që janë pjesë e Eurosistemit e kanë përfunduar emetimin e bankënotave në fjalë që nga 26 janari i këtij viti. Bankënotat prej 500 eurosh të cilat janë ende në qarkullim, vazhdojnë të jenë mjete zyrtare të pagesës, të lejuara me ligj dhe mund të këmbehen në mënyrë të pakufizuar.

Këshilli i Bankës Qendrore Evropiane (EZB) në fillim të majit të vitit 2016 pati vendosur që prodhimi dhe emetimi i bankënotës së 500 eurove të ndërpritej “nga fundi i vitit 2018”, transmeton albinfo.ch.

Iniciuesit e kësaj ndërprerjeje e kishin arsyetuar atë duke thënë se kështu do të kufizohet financimi i terrorit dhe punës në të zezë. Mbetet të shihet nëse kanë pasur të drejtë ose jo.

---