Nga dhjetë qytetet më të ndotura në Evropë, pesë janë nga Ballkani

Me ardhjen e dimrit, qytetet në Ballkanin Perëndimor po ngufaten nga tymi i shkaktuar nga mijëra oxhaqe dhe nga gazrat e makinave të vjetra, shkruan albinfo.ch.

Sipas Organizatës Botërore të Shëndetësisë (OBSH), në listën e dhjetë qyteteve më të ndotura në Evropë, pesë janë nga Ballkani, nga të cilat tri janë në Maqedoni: Shkupi, Tetova dhe Manastiri, e ndjekur nga Tuzla (Bosnjë e Hercegovinë) dhe Pljevlja (Mali i Zi), përcjell albinfo.ch.

OBSH paralajmëron se kjo shkakton dëme të mëdha për njerëzit dhe ekonominë. Sipas një studimi nga OBSH në vitin 2016, është llogaritur se në vitin 2010, ndotja e ajrit ishte shkaktari i më shumë se 37 mijë të vdekurve në Ballkanin Perëndimor, i cili ka 23 milionë njerëz, por që asnjëherë nuk janë marrë masë për të luftuar ndotjen.

Ndër shumë ndotës është Sarajeva, një qytet që mbulohet plotësisht me tymë gjatë dimrit.

Problemi i ndotjes së ajrit ndikon në banorët e kryeqytetit. “Pastruesit e ajrit shiten si” hallva”. Njerëzit zbrazin kuletat e tyre për të investuar se si ata mund të paktën në shtëpi të marrin frymë nga ajri i pastër”, tha një tregtar.

Situata në Shkup është “e padurueshme”. Nuk ka pasur kurrë fëmijë kaq shumë të sëmurë që vazhdimisht kolliten. Nga viti në vit numri i pacientëve kronikë është në rritje.