Lajme
Nga nesër rregullat e reja në Zvicër
Certifikata vazhdon të mos kërkohet në tarracat e restoranteve
Nga 13 shtatori (nesër) do të hyjnë në fuqi rregullat e reja në Zvicër, shkruan albinfo.ch.
Detyrimi për certifikatë të zgjeruar zbatohet për njerëzit e moshës mbi 16 vjeçare dhe është fillimisht e vlefshme deri më 24 janar 2022.
Certifikata kërkohet për aktivitetet që mbahen në ambiente të brendshme (p.sh. koncerte, teatër, kinema, ngjarje sportive dhe private, siç janë dasmat në vende të arritshme për publikun).
Nga detyrimi për tregim të certifikatës përjashtohen aktivitetet fetare dhe ato politike me pjesëmarrje të një maksimumi prej 50 personash.
Për aktivitetet në natyrë, zbatohen rregullat e përmendura më lartë: Për ngjarjet me më shumë se 1000 pjesëmarrës, ekziston detyrimi për certifikatën Covid, ndërsa nëngjarjet më të vogla në natyrë, për kufizimin mund të vendosin vetë organizatorët, transmeton albinfo.ch.
Nga e hëna, 13 shtator, detyrimi për certifikatë do të zbatohet edhe në ambientet e brendshme të bareve, restoranteve, kopshteve zoologjike, kinemave, qendrave të fitnesit, pishinave të mbyllura dhe kazinove, etj.
Kushdo që qëndron në këto vende pa certifikatë mund të gjobitet me 100 franga.
Objektet që shpërfillin këtë detyrim përballen me gjoba deri në 10,000 CHF ose edhe me mbylljen e bizneseve.
Certifikata vazhdon të mos kërkohet në tarracat e restoranteve.
Për pushimet e ardhshme të vjeshtës, nga java e ardhshme do të vendoset një regjim efektiv i hyrjes në Zvicër nga jashtë, përcjell albinfo.ch. Qeveria Federale dhe kantonet do të sqarojnë saktësisht se si duhet të duket kjo dhe nëse do të ketë karantinë tjetër hyrëse.
Të ngjashme
Të tjera nga Lajme
E-Diaspora
-
Muharrem Salihu, i gatshëm për deputet në Parlamentin Evropian Kandidati i parë shqiptar nga Italia për eurodeputet, Muharrem Salihu, vizitoi dje komunitetin shqiptar në provincat...
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip
-
LAPSH e Cyrihut përshëndet përpjekjet për institucionalizimin e mësimit shqip në diasporë
Jeta në Zvicër
-
Medina Jusufi Berisha, punon në profesionin që kishte ëndërruar si fëmijë Medina Jusufi Berisha është stjuardesa më e re në kompaninë ajrore zvicerane CHAIR. Ajo është lindur...
-
Aviokompania zvicerane që flet shqip
-
Buxheti i mbrojtjes i propozuar prej 15 miliardë frangash, pritet të dështojë
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave