Ngriten shqetësime për krizë ndërkombëtare të urisë

pixabay

Ministrja gjermane e Zhvillimit, Svenja Schulze, akuzoi presidentin rus, Vladimir Putin, për përdorimin e urisë si armë, ndërsa njoftoi planet për të nisur një aleancë globale të sigurisë ushqimore.

Duke folur në një takim të ministrave të Zhvillimit të G7 në Berlin, Schulze tha se ekzistonte një rrezik më i lartë për të përjetuar krizën e urisë për shkak të luftës në Ukrainë.
“Pasojat e tmerrshme të luftës së Rusisë shkojnë përtej Ukrainës”, tha Schulze, transmeton Dpa, përcjell Albinfo.ch.

Ministrat e Zhvillimit nga vendet kryesore të industrializuara po zhvillojnë një takim dyditor për të diskutuar sfidat e krizës së urisë, ndryshimet klimatike si dhe rindërtimi i Ukrainës, e cila është gjithashtu një eksportues i madh global i drithërave.

Kryeministri ukrainas, Denys Shmygal, do të marrë pjesë në takim përmes një lidhjeje me video.

LAJME INTERESANTE NGA INTERNETI