Ngritet padi ndaj Dick Martyt për rastin e trafikimit të pretenduar të organeve

Avokati Tomë Gashi ka njoftuar se si i autorizuar nga Mersin Katuçi ka përgatitur kallëzim penal ndaj senatorit zviceran Dick Marty.

Kallëzimi penal vjen pasi që, sipas Katuçit, Marty kishte shkuar i maskuar në shtëpinë e tij, edhe pse në shtëpinë e familjes Katuci nuk ishte gjetur asnjë provë për trafikim të organeve njerëzore.

“Kallëzim penal dhe padi civile do të ushtrohet edhe kundër ish-Kryeprokurores së Tribunalit të Hagës, znj.Carla Del Ponte, sepse në librin e saj përdori të dhëna të rrejshme për krimet e pretenduara të UÇK-së, e që ishte shfrytëzuar nga Dick Marty për raportin e tij famëkeq”, shkruan Gashi.