Futboll
Nisin punimet në fushën e stadiumit “Fadil Vokrri”
Pasditen e së premtes ka nisur rinovimi i fushës në stadiumin “Fadil Vokrri” në Prishtinë.
Ministria e Kulturës, Rinisë dhe Sportit si dhe Federata e Futbollit e Kosovës kishin arritur marrëveshje në nëntor të vitit të kaluar.
Në fillimin e punimeve prezent ishin ministri i Kulturës, Rinisë dhe Sportit, Hajrullah Çeku, dhe kryetari i Federatës së Futbollit të Kosovës, Agim Ademi.
“Theksi i kësaj kontrate nuk është vetëm te rindërtimi i fushës, por sidomos te mirëmbajtja. Në këtë investim të përbashkët të Ministrisë dhe Federatës nuk ka vetëm rindërtim të fushës, ka edhe blerje të pajisjeve për mirëmbajtje, ka trajnim të stafit vendor për mirëmbajtje të këtij stadiumi, me avantazhin që kur të trajnohen ata, kur të sigurohen këto pajisje, ato mund të përdoren edhe te stadiumet e tjera të Kosovës. Pra, po punojmë jo vetëm për ditën kur do të inaugurohet përfundimi i punimeve, por që të kemi një stadium të qëndrueshëm të futbollit, në mënyrë që ato pamje që i kishim më herët të mos përsëriten”, ka thënë ministri Çeku.
Kryetari i FFK-së, Agim Ademi, tha se kjo është një ngjarje e madhe për futbollin e Kosovës.
“Është fusha e parë hibride që po instalohet në stadiumin ‘Fadil Vokrri’, në Prishtinë. Kjo realisht është bërë me Ministrinë apo projekt i Ministrisë, së cilës iu kemi bashkangjitur edhe ne. E falënderoj Ministrinë që është marrë me këtë punë, për faktin se ne vetë nuk do të kishim munduar t’ia dalim kaq shpejt. Ky stadium do të shërbejë jo vetëm për ndeshjet ndërkombëtare, por sigurisht do të jetë një arenë që do të mbledhë të gjitha garat kryesore në Kosovë”, ka thënë Ademi.
Sipas punëkryesit, fusha pritet të jetë gati për ndeshje futbolli më 6 korrik të këtij viti.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Zvicër: 26-vjeçari vozit me 161 km/h në zonën e kufizimit 80 km/h Shoferit i është dashur të dorëzojë patentën e shoferit dhe Audi-n e tij në vend dhe...
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla
-
Si mund të ndikojnë tek ju dy referendumet vendimtare të sigurimeve shëndetësore në Zvicër?
-
Bujtinat e të rinjve në Zvicër kanë shënuar rekord netqëndrimi në vitin 2023