Lajme
Një gjimnaz në Austri ua ndalon nxënësve veshjet e ekzagjeruara
Në Austri ka plasur një debat rreth kodit të veshjeve të nxënësve nëpër shkolla, veçanërisht në gjimnaze dhe shkolla profesionale. Shkas për këtë është bërë një gjimnaz në qytetin e Stockerau-t, në landin e Austrisë së Ulët.
Në fillim të vitit shkollor thuhet se në gjimnazin e Stockeraut nxënësve u është shpërndarë një rregullore e re e kodit të veshjes.
“Kodi i veshjes” sipas rregullores së re përmban këto ndalesa:
- Ndalohet zbulimi i tepruar i barkut dhe i gjoksit.
- Pantallonat nuk guxojnë të jenë shumë të shkurtër.
- Ndalohet bartja e kapelave gjatë orëve mësimore.
- Ndalohen mbishkrimet në veshje me përmbajtje: seksiste, raciste, drogë dhe dhunë.
- Ndalohen këpucët me profil të ndryshëm, të cilat mund të bartin baltë dhe lagështi.
Drejtoresha e këtij gjimnazi, Claudia Reinsperger, ka thënë për media austriake se rregullorja e re është bërë në bashkëpunim me Këshillin e nxënësve dhe të prindërve. Ajo, këtë rregullore nuk e ka quajtur si ndalim për veshjet e nxënësve, por siç ka thënë: „Kj0o është pjesë e rregullave të shtëpisë“, përcjell albinfo.at.
Në një intervistë për gazetën austriake NÖN, drejtoresha ka thënë se kanë qenë të kujdesshëm që mos të bëjnë diskriminime gjinore, specifikisht ndaj gjenisë femërore. „Nuk ka diskriminim femëror. Djemtë po ashtu nuk lejohen ta bëjnë këtë; ata gjithashtu nuk lejohen të ulen në klasë me pjesën e sipërme të trupit të zhveshur”, ka shtuar ajo.
Në anën tjetër, gazeta „kurier“ shkruan se pas futjes së kodit të veshjes në BRG Stockerau pati një breshëri kritikash. Jo të gjithë prindërit e shohin kodin e veshjes te nxënësit si një vlerë arsimore. Por, drejtoresha Reinperger përgjigjet menjëherë: „Nuk ka pasur ankesa nga askush për kodin e veshjes. Janë vetëm mediat ato që po i „fryjnë këtij zjarri“, shprehet ajo, transmeton albinfo.at.
Sipas Drejtorisë së Arsimit, janë vetë shkollat përgjegjëse për secilën rregullore. Rregullore të tilla mund të miratohen në mënyrë të pavarur nga shkollat, por gjithmonë në koordinim me Këshillin e shkollës, mësuesve, nxënësve dhe prindërve.
Të tjera nga Lajme
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë