Një grua shqiptare humb jetën gjatë pushimeve në Zvicër

43-vjeçarja kishte shkuar në pushime me familjen e saj, por ndërroi jetë në Zvicër

Kishte shkuar për pushime nga Italia në Zvicër, por fatkeqësisht ka humbur jetën. Një grua 43-vjeçare shqiptare ishte në pushime së bashku me familjen e saj, por të martën ajo humbi jetën në Lavertezzo, Kantoni Ticino, shkruan “giornaledicomo.it”.

Ajo është tërhequr nga rryma e lumit Verzasca, pranë urës romake. Ndodhi kjo rreth orës 13:00, përcjell albinfo.ch.

Anëtarët e familjes kanë lajmëruar autoritetet, dhe ajo është dërguar me helikopter në spital, por nuk ka mundur të shpëtojë.

Agjentët policorë, zjarrfikësit, dhe shpëtuesit ishin angazhuar për të shpëtuar gruan shqiptare, e cila që 15 vjet jetonte në Itali, ku edhe ishte e martuar. Gruaja që ndërroi jetë është Elvis Fistha. Ajo jetonte në Cadorago.

Ky lum është i njohur për rrymat e forta dhe në vitin 1975 rreth 30 veta kanë vdekur në këtë zonë.

https://giornaledicomo.it/cronaca/donna-trascinata-via-dalla-corrente-del-fiume-a-lavertezzo-e-morta/