Shkurt.ch
Një i armatosur shkakton operacion të madh policor
Burri në fjalë është lokalizuar më në fund në një dhomë. Policia e ka thyer derën dhe e ka kapur individin, i cili nuk ka rezistuar fare
Një 27-vjeçar me një pistoletë shkaktoi një operacion të madh policor të premten në orën 15:50 në një ndërtesë në Dübendorf (ZH). Situata është vënë nën kontroll në mbrëmje me arrestimin e tij. Askush nuk është plagosur.
Ndërtesa në fjalë është shtëpi dyqanesh dhe apartamentesh të mbrojtura për persona që vuajnë nga çrregullime psikosociale. Në bazë të informatave, policia është nisur prej parimit se kishte të bëjë me një rrezik të mundshëm nga një qiramarrës.
Njësia speciale “Diamond” ka shkuar në vendngjarje për të hulumtuar ndërtesën dhe për të vënë kontakt me individin e armatosur. Nga frika se njeriu do të arrijë në çatinë e ndërtesës, policia ka bërë evakuimin e njerëzve për ta siguruar sa më mirë zonën.
Burri në fjalë është lokalizuar më në fund në një dhomë. Policia e ka thyer derën dhe e ka kapur individin, i cili nuk ka rezistuar fare. Në orën 19:20 çdo gjë ishte nën kontroll, ka bërë të ditur policia kantonale.
Edhe pse arma ishte funksionale, njeriu nuk e ka kërcënuar askënd në mënyrë specifike. Ai pa dyshim ka një problem mjekësor dhe kërkon kujdes, theksoi policia. I pandehuri do të merret në pyetje të shtunën nga Ministria Publike.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Pse Zvicra subvencionon tarifat vetëm për disa studentë të huaj? Ndërsa studentët ndërkombëtarë duhet të paguajnë tarifa më të larta shkollimi se sa homologët e tyre...
-
Prodhuesi zviceran i thikave të ushtrisë në përpjekje për të përmbushur kufizimet globale të tehut
-
Ndërprehet linja e trenit midis Brig në Valais dhe Italisë
-
Gjuha shqipe forcon integrimin
-
Studimi i ri zbulon se ku në Zvicër punonjësit fitojnë më shumë dhe më pak