Lajme
Një kandidate shqiptare në Bergamo
Në zgjedhjet për presidentin e rajonit të Lombardisë. Suela Plaka kërkon mbështetjen e shqiptarëve
Suela Plaka mbështet shoqata të ndryshme që kanë si program “Mundësitë e barabarta” për individë të ndryshëm, integrimin dhe diversitetin kulturor. Ajo njihet si një grua laike, reformiste dhe progresiste, përcjell albinfo.ch.
Prej vitit 2021 është këshilltare në Komunën ku jeton, Castel Mella. Nga viti 2013 deri në vitin 2018 ka mbajtur detyrën e Zv. presidentes për Barazinë Gjinore.
Ajo prej shumë vjetësh punon si profesioniste e lirë në një studio private, por edhe për struktura shëndetësore të ndryshme, në Bergamo dhe Breshia. Suela merret me nutricion, edukimin shëndetësor dhe promovimin e shëndetit.
Më shumë gjeni në Le Fragole.com. Përvojën e saj ajo do ta vërë në shërbim të projektit “Ta ndryshojmë së bashku Lombardinë”.
Ajo kandidon si Këshilltare në Provincën e Lombardisë, si pjesë e listës “Patto Civico” për MAJORINO PRESIDENT, në qarkun e Bergamos. Suela Plaka kërkon mbështetjen e shqiptarëve që jetojnë në atë qark për të ndryshuar Lombardinë. Ajo jeton dhe punon në Itali prej më shumë se dy dekadash.
Pasi përfundoi gjimnazin në Shqipëri, vendosi të ndjekë studimet e larta në Universitetin e Breshias. Shumë shpejt Breshia u shndërrua në një qytet që filloi ta dashurojë çdo ditë e më shumë. Me kalimin e viteve krijoi shumë marrëdhënie shoqërore aty dhe u bind akoma më shumë të krijojë një familje dhe të punojë në Itali.
Ajo i është shumë mirënjohese qytetit të Breshias dhe Bergamos, sepse i dhanë mundësinë të pasurohet dhe maturohem shumë përgjatë këtyre viteve.
Sot është e martuar dhe ka dy fëmijë. Ajo ndihet natyrshëm një qytetare e shoqërisë italiane dhe e ndjen veten të integruar shumë mirë në këtë provincë të pasur kulturore të Lombardisë. “Megjithatë, unë nuk harroj nga kam ardhur. Kam lindur dhe jam edukuar, në një vend që përafërsisht gjysmë shekulli përjetoi diktaturën më të egër në Europë”, thotë Suela.
Suela ka qenë vazhdimisht aktive në jetën politike, sociale dhe kulturore në Itali.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Wiedikon: Vendasit, të indinjuar me qiratë e larta Një kompleks i ri apartamentesh po krijon disa polemika për shkak të qirave të larta –...
-
Gjendet viktima e fundit e ortekut të prillit
-
Rritet numri i pasagjerëve në transportin publik të Gjenevës
-
Gjashtë gjëra që duhet të dini për pagat në Zvicër
-
Cilat profesione janë më të paarritshme nga të huajt në Zvicër