Një shqiptar në mesin e 12 fotove më ikonike të vitit 2025, sipas BBC-së

Fotografia e shqiptarit që shpëtoi një dele, ndër 12 më të rëndësishmet të vitit 2025 nga BBC

BBC ka përfshirë një imazh të realizuar gjatë zjarreve masive që përfshinë Greqinë këtë verë në listën e 12 fotografive më të rëndësishme të vitit 2025. Fotografia, shkrepur nga Thanasis Stavrakis i agjencisë Reuters, tregon 33-vjeçarin shqiptar Oslien Muçobega teksa shpëton një dele nga flakët në zonën e Patrës, duke e transportuar mbi motor përmes tymit dhe zjarrt, transmeton albinfo.ch.

Ngjarja ndodhi gjatë gushtit, kur rajoni i Ahaisë u përfshi nga zjarre të mëdha, që detyruan banorët të largoheshin dhe rrezikuan jetën e njerëzve dhe kafshëve.

BBC ka vlerësuar fotografinë si një pamje me domethënie të veçantë, duke e krahasuar me ikonografinë e “Bariut të Mirë” në artin e krishterë, ku Krishti mban mbi supe një kafshë të brishtë. Sipas medias britanike, kjo lidhje simbolike e bën imazhin një nga momentet më të fuqishme dhe prekëse të vitit.

---