Një zviceran ka humbur jetën në aksidentin zinxhiror

Një zviceran ka humbur jetën aksidentalisht pas një përplasjeje zinxhirore të 50 veturave në Slloveninë qendrore.

Nga përplasja kishte humbur jetën 25-vjeçari nga Zvicra. Në spitalin e Lubjanës janë pranuar 14 persona, tre prej të cilëve ishin të lënduar rëndë dhe një ishte në gjendje kritike.

Aksidenti ndodhi në autostradën A1, e cila lidh Lubjanën me bregdetin e Adriatikut.

Sipas informatave fillestare, shkak i aksidentit ishte stuhia e borës që kishte zvogëluar dukshmërinë në pesë metra.

Policia sllovene tha se shoferët thjesht nuk kanë parë asgjë para tyre