Kuriozitete
Njeriu më i pasur në botë ua rrit pagat punëtorëve të tij
Themeluesi i “Amazon”, Jeff Bezos është njeriu më i pasur i globit, me një pasuri që vlerësohet se shkon në rreth 165 miliardë dollarë
Gjiganti i shitjeve “online”, “Amazon” po rrit pagat për qindra-mijëra punonjës në SHBA dhe Britaninë e Madhe.
Punonjësi amerikan më pak i paguar i “Amazon” do të marrë 15 dollarë në orë. Në Britaninë e Madhe, paga minimale do të rritet nga 8.2 funte ora në Londër në 10.5 funte, ndërsa jashtë Londrës rritja do të jetë nga 8 në 9.5 funte.
Nga lëvizja do të përfitojnë 250 mijë punonjës në SHBA, 17 mijë në Britaninë e Madhe dhe dhjetëra e mijëra punonjës sezonalë.
“Amazon” është një nga kompanitë më të mëdha në botë, me vlerë rreth 1 trilion dollarë. Sidoqoftë, ajo është kritikuar nga shumëkush, përfshirë presidentin amerikan Donald Trump, për sasinë e taksave që paguan, transmeton “TCH”.
Kompania është kritikuar edhe për praktikat e saj të punësimit, me ankesa për kushtet e punës në ambientet e saj. Themeluesi i “Amazon”, Jeff Bezos, është njeriu më i pasur i globit, me një pasuri që vlerësohet se shkon në rreth 165 miliardë dollarë, përcjell albinfo.ch.
“Ne dëgjuam kritikat, u menduam shumë për atë që do të bënim dhe vendosëm se duam të kryesojmë”, tha ai. “Jemi të gëzuar për këtë ndryshim dhe inkurajojmë konkurrentët tanë dhe punëdhënës të tjerë të mëdhenj të na bashkohen”.
Pagat e reja do të hyjnë në fuqi nga 1 nëntori dhe do të jenë të aplikueshme për të gjithë stafin, me kohë të plotë apo të pjesshme, punonjës të përkohshëm apo sezonalë.
Paga aktuale minimale e punonjësve të “Amazon” në Britani është 8 funte ora, ndërsa në SHBA 11 dollarë në orë.
E-Diaspora
-
Rekord i ri i krimeve të motivuara politikisht në Gjermani Vitin e kaluar në Gjermani numri i krimeve të motivuara politikisht të raportuara në polici arriti...
-
Itali: Shqiptari goditi me çekiç bashkëshorten, arrestohet nga policia
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
Jeta në Zvicër
-
Studiuesit zviceranë zbulojnë çokollatë më të shëndetshme dhe më të qëndrueshme Shkencëtarët në institutin federal të teknologjisë ETH Cyrih kanë zhvilluar një lloj të ri çokollate që...
-
Zviceranët humbasin punën mesatarisht dy javë në vit
-
Zvicra fton Xhemailin në ndeshjet kualifikuese për Evropian
-
Testi, i detyrueshëm për ukrainasit që duan të vazhdojnë vozitjen në Zvicër
-
Migros do të largojë 150 punëtorë nga pika në Cyrih