Lajme
Numër rekord i gazetarëve të burgosur gjatë vitit 2020
Një numër rekord gazetarësh u burgosën gjatë vitit 2020, përderisa qeveritë u munduan të menaxhojnë pandeminë, tha të martën Komiteti për Mbrojtjen e Gazetarëve (CPJ).
Të paktën 274 gazetarë ishin në burg që nga 1 dhjetori, më së shumti që kur grupi me bazë në Nju-Jork filloi mbledhjen e të dhënave në fillim të viteve 1990, tha raporti, nga të paktën 250 vitin e kaluar. Protestat dhe tensionet politike ishin shkaku i shumë arrestimeve, me ato që u bënë në Kinë, Turqi, Egjipt dhe Arabinë Saudite, tha ai. Mes pandemisë COVID-19, udhëheqësit autoritarë u përpoqën të kontrollonin raportimin duke arrestuar gazetarë. Të paktën dy gazetarë vdiqën pasi u infektuan me koronavirus, tha raporti, përcjell albinfo.ch.
“Tronditëse dhe e tmerrshme që po shohim një numër rekord të gazetarëve të burgosur në mes të një pandemie globale”, tha Drejtori Ekzekutiv i CPJ-së, Joel Simon, në një deklaratë.
Raporti fajësonte mungesën e udhëheqjes globale ndaj vlerave demokratike dhe veçanërisht sulmet ndaj mediave nga Presidenti i SHBA-së, Donald Trump, të cilat tha se u jepnin mbulim autoritarëve për të goditur gazetarët në vendet e tyre.
Globalisht, 34 gazetarë u burgosën për “lajme të rreme” më 2020, krahasuar me 31 vitin e kaluar, tha raporti.
“Numri rekord i gazetarëve të burgosur në të gjithë botën është trashëgimia e lirisë së shtypit të Presidentit Trump”, tha Simon.
Ndërsa asnjë gazetar nuk ishte në burg në Shtetet e Bashkuara nga 1 dhjetori, 110 u arrestuan ose u akuzuan në 2020, shumë ndërsa mbulonin demonstrata kundër dhunës policore, tha CPJ. Vendet ku numri i gazetarëve të burgosur u rrit në mënyrë të konsiderueshme përfshin Bjellorusinë, ku rizgjedhja e presidentit të saj për një kohë të gjatë shkaktoi protesta masive dhe Etiopia, ku trazirat politike kanë çuar në konflikt të armatosur.
Raporti zbuloi se dy të tretat e gazetarëve në burg ishin akuzuar për krime antishtetërore, të tilla si terrorizmi ose anëtarësimi në grupe të ndaluara, përderisa asnjë akuzë nuk u zbulua në gati 20% të rasteve, përcjell tutje albinfo.ch.
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër