Bota
Numri i madh i azilantëve nga Ballkani, mblidhet kreu i lartë gjerman
Procedurat e azilit do të bëhen më të shkurtra dhe më efikase në Gjermani.
Autoritetet gjermane do të shtojne numrin e personelit dhe do te ndajnë procedurat nga njëra-tjetra.
Këtë e ka bërë të ditur ministri i Brendshëm i Gjermanisë, Thomas de Maiziere pas një takimi të nivelit të lartë për refugjatë ku krahas kancelares Angela Merkel në takim morën pjesë edhe kryetari i Partisë Socialdemokrate Gjermane, Sigmar Gabriel, si përfaqësues të landeve federale, kryeministrja e landit të Renanisë Veriore – Vestfalisë, Hannelore Kraft dhe kolegu i saj bavarez, Horst Seehofer.
“Neve na nevojitet fuqia e diferencimit përmes procedurave të ndara nga pranimi deri në kthim. Në të ardhmen duhet bërë dallim midis refugjatëve, që kanë një shans të madh për të qendruar dhe atyre për të cilët duam që të largohen nga vendi ynë.”, tha Thomas de Maiziere, transmeton albinfo.ch
Ai shpreson që porosia e takimit të nivelit të lartë të ketë edhe një efekt psikologjik për shtetet e Ballkanit.
„Atje me siguri që perceptohet me shumë me vëmendje se çfarë bëjmë ne”, tha Thomas de Maiziere.
Në katër muajt e parë të këtij viti, gjysma e azilkërkuesve ka ardhur nga Ballkani Perëndimor, nga shtete që ose konsiderohen “shtete të sigurta të origjinës”, shkak për të cilin aplikuesit nuk kanë thuajse asnjë shans për të marrë azil, ose nga shtete si Shqipëria, shtetasit e së cilës kanë një kuotë pranimi nën dhjetë përqind, shpjegoi De Maiziere, njofton DW.
Konkretisht, De Maiziere shpjegoi që refugjatë me më pak shanse për të marrë azil do të strehohen së bashku.
Vetëm pak javë do të zgjasë derisa të zbatohet vendimi i kthimit.
Deri tani, kthimi i azilkërkuesve të refuzuar kishte dështuar edhe për shkak të faktit se njerëzit strehohen në vende të ndryshme të Gjeramanisë.
« Procedura më të shkurtra do të ndikojnë që të bëhet “më normal” kthimi, plotësoi kancelarja Angela Merkel.
Kjo do të arrihet kryesisht duke shtuar numrin e personelit.
Në mënyrë graduale, N^në Zyrën Federale për Migrimin dhe Refugjatët do të shtohen 2000 vende të tjera pune.
Që këtë vit janë planifikuar 750 vende pune shtesë.
Edhe në Policinë Federale dhe në Ministrinë e Jashtme gjermane do të ketë më shumë personel. Si rrjedhoj do të mund të përpunohen n 200.000 rastet e vjetra, në të cilat procedura ka zgjatur më shumë se një vit.
Aplikim i masave të reja nuk janë vendosur edne. Kjo do të ndodhë në një takim të nivelit të lartë midis Federatës dhe landeve gjermane nmë 18 qershor.
“Fryma e bisedave të sotme” e ka bindur, që këto masa edhe do të zbatohen, tha Angela Merkel.
Këtu bëjnë pjesë edhe masat për integrimin më të shpejtë të refugjatëve përmes gjuhës, arsimit dhe profesionit.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim