Numri më i madh i vendeve të lira të punës që nga bashkimi i vendit

Instituti IAB është mbështetur në një studim të rregullt të bizneseve gjermane për nxjerrjen e shifrave të sakta.

”Gjatë tremujorit të dytë të vitit 2017 ka pasur rreth 1,1 milionë pozicione të lira në mbarë vendin, numri më i madh i vendeve të punës të regjistruara që nga bashkimi i Gjermanisë, në vitin 1990”, thuhet në raportin e botuar sot nga Instituti për Hulumtime të Punësimit (IAB).

Të dhënat kanë treguar një rritje të pozicioneve të lira në 35 000, krahasuar me tremujorin e mëparshëm dhe një rritje prej 114 000 krahasuar me të njëjtën periudhë të vitit 2016, përcjell Atsh.

Instituti është mbështetur në një studim të rregullt të bizneseve gjermane për nxjerrjen e shifrave të sakta.

Prodhimi gjerman ka reflektuar 124 000 vende të lira pune gjatë tremujorit të dytë, duke e rritur numrin në 6 000 çdo tremujor dhe 24 000 nga viti në vit.

Gjithashtu, sektori i ndërtimit është përpjekur të plotësojë pozicionet me 101 000 vende të lira pune gjatë periudhës prill-qershor, një rritje tremujore prej 13 000 dhe një rritje vjetore prej 3 000.