OBSH raporton për nivel të lartë të transmetimit të Covid-19 në Evropë

(KEYSTONE/Laurent Gillieron)

Niveli i transmetimit të COVID-19 është alarmant në Evropë, theksoi sot Organizata Botërore e Shëndetësisë (OBSH) që u shpreh e shqetësuar për lehtësimin e karantinës së vendosur ose të parashikuar në disa vende, përfshirë dhe Francën.

Drejtori i degës së Europës të OBSH-së, Hans Kluge, deklaroi se shifrat e shtatorit duhet të shërbejnë si alarm për të gjithë ne në mbarë Europën, ku numri i rasteve të reja është tashmë më i lartë se ai i regjistruar në mars dhe në prill.

OBSH e ka përjashtuar gjithashtu shkurtimin e rekomandimit të saj për një karantinë 14-ditore për të gjithë ata që kanë qenë në kontakt me virusin.

Përgjegjësja për situatën emergjente në OBSh për Evropë, Catherine Smallwood, tha se rekomandimi 14-ditor i karantinës bazohej në kuptimin e periudhës së inkubacionit dhe transmetimit të sëmundjes. “Ne vetëm do ta rishikonim atë bazuar në një ndryshim në kuptimin tonë të shkencës, që nuk nuk është rasti deri më tani”, ka thënë ajo, përcjell Albinfo.ch.