Lajme

OBSH u bën thirrje udhëtarëve të mbajnë maska

E mërkurë, 11 Janar 2023 - 20:15 albinfo.ch

Keystone

Vendet duhet të konsiderojnë rekomandimin që pasagjerët të mbajnë maska në fluturimet me distanca të gjata, duke pasur parasysh përhapjen e shpejtë të nënvariantit më të fundit Omicron të COVID-19 në Shtetet e Bashkuara, thanë të martën zyrtarët e Organizatës Botërore të Shëndetësisë (OBSH), shkruan “Reuters”, përcjell albinfo.ch.

Në Evropë, nënvarianti XBB.1.5 u zbulua në numër të vogël, por në rritje, thanë zyrtarët e OBSH/Europe në një konferencë shtypi.

Pasagjerët duhet të këshillohen të mbajnë maska në mjedise me rrezik të lartë, si fluturimet me distanca të gjata, tha oficerja e lartë e urgjencës e OBSH-së për Evropën, Catherine Smallwood, duke shtuar: “Ky duhet të jetë një rekomandim i lëshuar për pasagjerët që vijnë nga kudo ku ka COVID të përhapur”.