OKB: BE-ja të pranojë së paku 200 mijë refugjatë

Komisarit i lartë i OKB-së për refugjatë Antonio Guterres ka kërkuar nga BE-ja që të ndajë nështetet e veta anëtare së paku 200 mijë refugjatë

Bashkimi Evropian do të duhej të strehonte së paku 200 mijë refugjatë, të cilët do t`i ndante në mënyrë proporcionale në 28 shtetet e veta anëtare.

Kjo është kërkuar në një deklaratë të komisarit të lartë të OKB-së për refugjatë Antonio Guterres të publikuar të premten në Gjenevë. Ai ka thënë më tutje se refugjatët e njohur do të duhej të përfitonin nga një program të ndarjes, në të cilin të gjitha shtetet anëtare do të merrnin pjesë në mënyrë të detyrueshme.

Në të njëjtën kohë, ka thënë Guterrez, në vendet e BE-së duhet të hapet një numër i mjaftueshëm i qendrave të pranimit të azilkërkuesve.

Për të parë se sa ambicioze është shifra që kërkon konisari i lartë i OKB-së nga BE-ja duhet përmendur shifrën prej 40 mijë refugjatësh për ndarjen në mënyrë vullnetare të  të cilës janë pajtuar shtetet anëtare të Bashkimit Evropian.