Bota
OKB kërkon 22.5 miliard dollarë ndihma humanitare për vitin 2018
Ndihma e kërkuar është 1% më shumë se vitin e kaluar. Nga këto, 7.66 miliardë dollarë janë për krizën në Siri dhe 2.5 miliardë për Jemenin
OKB ka bërë thirrje për ngritjen e fondeve për ndihmë vjetore për vitin 2018 duke kërkuar një rekord 22.5 miliardë për të ndihmuar 91 milionë njerëz. Fjala është kryesisht për ata që janë prekur nga luftërat në Afrikë dhe Lindjen e Mesme, raportojnë agjencitë e lajmeve, përcjell albinfo.ch.
“Në vitin 2018 njerëzve më shumë se kurrë do t’u duhet ndihma jonë”, tha zëvendës Sekretari i Përgjithshëm i OKB-së për Çështje Humanitare, Mark Loukok. Nevoja për ndihmë humanitare do të jetë për 136 milionë njerëz në 26 vende, ose 5 për qind më shumë se këtë vit.
OKB, megjithatë, nuk mund të arrijë të gjithë, kryesisht për shkak të shqetësimeve të sigurisë dhe mungesës së ndihmës nga ana e autoriteteve apo vendeve të tjera në konflikte. Rreth 91 milion njerëz do të ndihmohen.
Nevoja për ndihmë është rritur në mënyrë të konsiderueshme në Burundi, në Republikën Demokratike të Kongos, Kamerun, Libi, Somali, Sudan dhe Republikën e Afrikës Qendrore dhe Jemen, Nigeri, Siri dhe Sudanin e jugut. Nevoja për ndihmë humanitare në Afganistan, Etiopi, Irak, Mali dhe Ukrainë pritet të ulet, por mbetet e rëndësishme.
Ndihma e kërkuar është 1% më shumë se vitin e kaluar. Nga këto, 7.66 miliardë dollarë janë për krizën në Siri dhe 2.5 miliardë për Jemenin.
Koalicioni ushtarak i Arabisë Saudite duhet të tërheqë bllokadën e tij në Jemen, ku në mes të 7 dhe 8 milion njerëz janë në prag të urisë, tha Marc Loukok. Përndryshe, kjo do të jetë një tragjedi e tmerrshme humanitare me miliona viktima çfarë nuk ka parë bota për dekada të tëra, paralajmëroi ai.
Përveç për viktimat e konfliktit, OKB gjithashtu siguroi fonde për të prekurit nga fatkeqësitë natyrore. Disa ekspertë parashikojnë një rrezik në rritje nga tërmetet vitin e ardhshëm, duke paralajmëruar organizatën.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)