Kriza në Ukrainë

OKB: Mbi 5,5 milionë refugjatë janë larguar nga Ukraina

Mbi 5,5 milionë refugjatë janë larguar nga Ukraina që prej fillimit të agresionit rus më 24 shkurt, sipas Komisionerit të Lartë të Kombeve të Bashkuara për Refugjatët (UNHCR).

Organizata Ndërkombëtare e Migracionit deklaroi në raportin e fundit të saj se 7,7 milionë refugjatë janë zhvendosur në Ukrainë. Ata janë larguar me forcë nga shtëpitë e tyre.

Sipas një studimi të fundit të OKB-së, parashikohet që rreth 8,3 milionë ukrainas të largohen nga vendi.

Ndërsa, pak ditë më parë ministri i Jashtëm rus, Sergei Lavrov, deklaroi se mbi 1 milion persona janë evakuuar nga Ukraina në Rusi, që prej datës 24 shkurt.

Lavrov tha për agjencinë zyrtare të lajmeve të Kinës, Xinhua, se 2.8 milionë njerëz në Ukrainë kanë kërkuar të evakuohen në Rusi./CNN