Lajme
OKB pezullon mbështetjen për Afganistanin, shkak shkelja e të drejtave të grave
Disa programe të OKB-së në Afganistan janë pezulluar përkohësisht pas ndalimit të talebanëve për gratë që punojnë në organizatat joqeveritare (OJQ), deklaroi Komiteti i Përhershëm i Kombeve të Bashkuara (IASC).
”Ndalimi i grave për të kryer punë humanitare në Afganistan ka pasoja të menjëhershme dhe kërcënuese për jetën për të gjithë afganët”, theksoi IASC në një deklaratë, duke u kërkuar talebanëve që të heqin ndalimin, transmeton dpa, përcjell albinfo.ch.
“Ndërsa organizatat humanitare vazhdojnë të angazhohen ‘de facto’ me autoritetet, ne nuk mund të injorojmë kufizimet operacionale me të cilat përballemi tani si një komunitet humanitar”, theksoi komiteti, i cili përfshin 18 organizata të OKB-së dhe organizata të tjera dhe është forumi i koordinimit humanitar të nivelit më të lartë të Kombeve të Bashkuara.
“Ne do të përpiqemi të vazhdojmë aktivitetet shpëtimtare dhe urgjente nëse ato nuk pengohen… Por ne parashikojmë që shumë aktivitete do të duhet të ndërpriten pasi ne nuk mund të ofrojmë ndihmë parimore humanitare pa punëtorë humanitar”, thuhet në deklaratë.
Deklarata, e nënshkruar nga shefat ekzekutivë të organizatave humanitare, përfshirë shefin e ndihmës së Kombeve të Bashkuara, Martin Griffiths dhe shefin e Organizatës Botërore të Shëndetësisë (OBSH), Tedros Adhanom Ghebreyesus, theksuan se ”disa programe urgjente tashmë janë dashur të pezullohen për shkak të mungesës së stafit femëror”.
Situata humanitare në Afganistan konsiderohet e pasigurt.
Që kur talebanët u kthyen në pushtet, vitin e kaluar mes tërheqjes së trupave ndërkombëtare, ekonomia ka rënë.
Vendi ka një popullsi prej 37 milionë banorësh.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora urë-lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Restoranti i famshëm indian nuk mund të hapet në Cyrih, pasi kuzhinierëve iu refuzuan lejet
-
Përhapet mushkonja tigër: Zbulohen dy lloje në Aargau
-
Sipas monitorimit të çmimeve, në këto dyqane po shiten produktet më shtrenjtë
-
Olaf Scholz: Në Zvicër ne nuk do të negociojmë përfundimin e luftës në Ukrainë