CH-Ballkani
Operacioni i Europol, arrestohen 18 persona, në mesin e tyre edhe shqiptarë
Europol sqaron se anëtarët e organizatës kriminale të arrestuar dhe të marrë në pyetje nga policia janë me origjinë nga tetë vende, si Shqipëria, Kroacia, Gjermania, Spanja, Armenia, Serbia, Siria dhe Turqia
Një operacion ndërkombëtar ka sjellë arrestimin e 18 personave, ndërkohë që janë vënë në ndjekje penale edhe nëntë të tjerë.
Operacioni është zhvilluar nga Guardia Civile në Spanjë dhe Shërbimi gjerman i Doganave dhe është mbështetur nga Europol, i cili ka shkatërruar një grup kriminal të organizuar që merrej me trafikun e drogës dhe aktivitetet e tjera të paligjshme në të gjithë BE-në.
Europol sqaron se anëtarët e organizatës kriminale të arrestuar dhe të marrë në pyetje nga policia janë me origjinë nga tetë vende, si Shqipëria, Kroacia, Gjermania, Spanja, Armenia, Serbia, Siria dhe Turqia, shkruajnë mediat shqiptare.
Nga operacioni janë sekuestruar rreth një ton marihuanë, 212 000 euro para të gatshme, armë zjarri, municion dhe tetë automjete, përcjell albinfo.ch.
Grupi kriminal trafikonte marihuanë nga Spanja në vendet e tjera të BE-së, veçanërisht në Gjermani, nëpërmjet një rrjeti qelizash të themeluar në Malaga dhe Granada, Spanjë, orkestruar nga Bremeni në Gjermani.
Faza e parë e operacionit u përqendrua në çmontimin e dy fabrikave të marijuanës të zbuluara në jug të vendit, ku u konfiskuan gati 100 kilogram marihuanë dhe 172 000 euro në para të gatshme. Dy oficerë të Gardës Civile u plagosën rëndë kur arrestuan një nga anëtarët e bandës.
Të tjera nga CH-Ballkani
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut