Fotolajmi
Orban: Nuk duam numër të madh të myslimanëve në Hungari
Prioritet i Budapestit është që ta përforcojë kufirin e jashtëm të BE-së, përkatësisht kufirin me Serbinë. Do ta bëjnë njëjtë edhe me Kroacinë nëse refugjatën nisen në atë drejtim.
Këtë e ka deklaruar kryeministri hungarez, Viktor Orban, duke shtuar se vendi i tij është kundër refugjatëve që shumica janë myslimanë.
“Unë mendoj se ne kemi të drejtë të vendosim që të mos vijnë shumë myslimanë në vendin tonë”, ka thënë kryeministri hungarez, raporton Reuters, përcjell albinfo.ch.
Nga 15 shtatori ushtarët hungarezë do të ndihmojnë në sigurimin e kufirit sipas ligjeve që do të miratohen nga parlamenti, tha kryeministri i Hungarisë, Viktor Orban, në Bruksel.
Ai paralajmëroi se Hungaria do të vëjë një gardh tjetër në kufirin me Kroacinë, nëse fluksi i emigrantëve vjen nga andej.
Orban pas takimit me presidentin e Komisionit Evropian, Jean-Claude Juncker, tha se prej 15 shtatorit menaxhimi i kufijve do të kryhet në bashkëpunim të plotë të policisë dhe ushtrisë, duke shtuar se kjo masë është e nevojshme për të mbrojtur kufirin e jashtëm të BE-së.
Orban theksoi se Hungaria do të nisë edhe një fushatë informacioni për të bindur emigrantët të mos vijnë në Evropë.
“Numri i tyre është rritur aq shumë, ishin fillimisht me mijëra, pastaj dhjetëra mijëra e tani qindra mijëra. Shumë prej tyre vijnë nga Pakistani, Bangladeshi, Nigeria, Mali. Shumë shpejt numri do të rritet në disa milionë e dhjetëra miliona. Ne jemi të obliguar që të sigurojmë mbrojtjen e kufirit. Ne nuk kemi nevojë për askënd për të luajtur në Evropë, sepse do të jetë fundi i Evropës”, tha Orban.
Ai vuri në dukje se nëse disa vende të BE-së, si Gjermania, dëshiron të pranojë emigrantët nga Siria, atëherë duhet thjesht të lëshojë viza.
Të tjera nga Fotolajmi
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor