Osmani: Rritja e infektimeve me COVID-19 kërkon vëmendje urgjente të Qeverisë

KEYSTONE/EPA/GEORGI LICOVSKI

Së fundi ka reaguar kryeparlamentarja Vjosa Osmani, pas shtimit të numrit të rasteve të reja me COVID-19 në vendin tonë, përcjell albinfo.ch.

Në një postim në Twitter, ajo ka thënë se Kosova ka ‘rrëshqitur’ nga lista e rrëfimeve të suksesshme në mposhtjen e virusit, duke u ngjitur në listën botërore edhe për tri vende për raste të reja shtesë.

“Rritja e konsiderueshme kërkon vëmendjen urgjente të Qeverisë dhe përkushtimin e të gjithëve në respektimin e udhëzimeve”, ka shkruar Osmani.

Kosova deri më tash ka regjistruar 2590 raste me COVID-19, ndërkohë që në këtë bilanc rastet e reja janë rritur me të madhe gjatë qershorit, pas lehtësimit të masave anti-COVID-19.

Kryeministri Avdullah Hoti ka paralajmëruar rikthimin e masave të izolimit nëse vazhdon trendi në rritje i rasteve të reja të infeksionit që ka prekur pothuajse gjithë botën.

Kosovo appears to have flipped the chart from one of the winning stories in defeating Covid-19, to top 3rd country per new additional (+) cases. The concerning significant rise, calls for the urgent attention of the Government & dedication of all in respecting the guidelines. pic.twitter.com/giSwq3ekIl

— Vjosa Osmani (@VjosaOsmaniMP) June 28, 2020