Financa
Pagat në Gjermani: Në Lindje janë 20% më të ulëta krahasuar me Perëndimin
Në Gjermaninë Lindore, përveç Berlinit, ndryshimi në paga varion nga 68% në Gorlitz, që ndodhet në kufi me Poloninë, e deri në 95.5% në Jena, qytetin e dytë më të madh të shtetit qendror të Thuringia
![](https://www.albinfo.ch/wp-content/uploads/2019/03/5856626683_0410223a82_b-528x396.jpg)
Gjermania Lindore mbetet 20% më pak produktive në krahasim me Perëndimin, 30 vite pasi u shemb Muri i Berlinit, sipas një studimi të institutit për hulumtime ekonomike (IWH).
Pavarësisht progresit të madh që prej ribashkimit në vitin 1990 dhe investimeve prej mbi 2 trilionë euro në Lindje nga Qeveria Federale, ndasitë rajonale vazhdojnë të duken.
Hulumtuesit zbuluan se 93% e 500 firmave më të mëdha të Gjermanisë, ndodhen ende në Perëndim të Republikës Federale. Kompanitë homologe në shtetet lindorë janë 20% më pak produktive në krahasim me homologët e perëndimit, transmeton ‘Scan’.
Studimi tregon se subvencionet e Qeverisë për të inkurajuar kompanitë që të ruajnë vendet e punës, kanë sjellë rënien e produktivitetit, përcjell albinfo.ch.
Pagat në Lindje janë 20% më të ulëta krahasuar me perëndimin. Në Gjermaninë Lindore, përveç Berlinit, ndryshimi në paga varion nga 68% në Gorlitz, që ndodhet në kufi me Poloninë, e deri në 95.5% në Jena, qytetin e dytë më të madh të shtetit qendror të Thuringia.
Autorët e raportit bënë thirrje për fuqizimin e qyteteve lindorë, duke inkurajuar më shumë kompani që të zhvendosin selitë atje.
Duke vënë në dukje mungesën e punëtorëve me aftësi në shtetet lindore, raporti bëri thirrje që të mirëpriten më shumë emigrantë me aftësi. Përmirësimi i kushteve të jetesës dhe të punës do të tërheqë më shumë punonjës të talentuar.
E-Diaspora
-
Mësuesit e shkollave të diasporës, në Kuvendin e Kosovës Mësuesit e Shkollave Shqipe “Alba Life”, New York, në Kuvendin e Kosovës ...
-
Ardhja e mërgimtarëve, dy orë e gjysmë pritje te Dheu i Bardhë
-
Mërgimtarët janë duke pritur deri në 2 orë në pikën Dheu i Bardhë
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
Jeta në Zvicër
-
Zvicra, në prag të festimit të 733-vjetorit si shtet Zvicra feston më 1 gusht përvjetorin e pavarësisë...
-
Zvicër: Pushimet verore mbaruan, është koha e ‘kthimit në shkollë’
-
Zvicra nis një fushatë ndërgjegjësimi për përdorimin e dronëve
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it