Lajme
Pandemia në Itali, më e keqja ka përfunduar, por ende ka frikë
Gazeta gjermane “DER SPIEGEL” ka shkruar në artikull rreth situatës në Itali dhe se si pandemia ka ndryshuar Italinë. Në orën 5 të pasdites, më 19 prill, Francesco Italia kishte pranuar një thirrje telefonike. “Kjo s’është shaka, unë jam Papa Françesku”, ishte dëgjuar një zë. “Si je, si po kalon?” Tani, 3 muaj më vonë, kryetari i Italisë qëndron i ulur në zyrën e tij që gjendet në qendrën e qytetit Sirakuzë dhe flet për telefonatën që nuk do ta harrojë kurrë.
Në kohërat antike, ky qytet që është i vjetër më shumë se dy mijë vjet, ka shërbyer si një nga kolonitë më të rëndësishme të Greqisë dhe ka qenë gjithashtu qendër e kulturës helene. Platoni, Arkimedi dhe Eskili kanë jetuar këtu në periudha të ndryshme kohore. Por sot? Dhe pse u interesua Papa pikërisht për të në mesin e gjithë njerëzve të tjerë?
“Mendoj se është munduar të përçojë një mesazh te të gjithë kryebashkiakët e shtetit”, thotë Italia. Në stilin tipik të Papës, ai nuk i ka telefonuar liderët e pushtetshëm të Milanos dhe Romës, por e ka thirrur Italian, kryetarin e një qyteti me 120.000 banorë dhe me shumë probleme socio-ekonomike, që gjendet në pjesën jugore të Italisë. “Ai është munduar të thotë: Unë jam duke menduar për ju, jam me ju dhe po lutem për ju”, thotë Italia. Në një pasdite të korrikut, moti është tepër i nxehtë në Piazza Duomo, saqë të duket se je në mesin e një shkretëtire, por në zyrën e kryetarit Italia është natyrshëm më freskët me dekorimet e tij të bukura ngjyrë të gjelbër.
E madhe në fakt nuk i përshtatet stilit të tij të flokëve me kaçurrele, mjekrës së tij dhe shikimit të tij të mprehtë. Një ditë, ai ishte lodhur nga jeta e përditshme në Sirakuzë dhe kishte vendosur të hapë një stacion televiziv në Milano, por kur një valë e turizmit kishte shkaktuar transformim të qytetit të tij, ai u kthye dha vendosi t’i hyjë politikës dhe qeverisjes lokale.
Më e keqja ka përfunduar, por ende ka frikë
47-vjeçari meriton të relaksohet dhe të pushojë sadopak – stina e verës ka ardhur dhe pjesa më e vështirë e COVID-19 duket se ka kaluar. Por, ai ende nuk e ka rimarrë veten nga shoku që e ka përjetuar nga ngjarjet e fundit. “Ka qenë jashtëzakonisht e vështirë. Ishte një sfidë e madhe dhe shumë stresuese”.
Italia flet lirshëm teksa rikujton momentin kur kryeministri Giuseppse Conte ka njoftuar vendosjen e orës policore gjatë mbrëmjes në një konferencë për shtyp. Dekretet korrespondente ishin shkruar në një italishte burokrate dhe vështirë se kuptoheshin. Banorët lokalë, që sigurisht ishin shumë të shqetësuar nga shpërthimi i pandemisë, vinin t’i bënin pyetje kryetarit të tyre në grupe. Në disa raste spitali nuk kishte hapësirë as për një gjyshe me grip të lehtë. Një raportim i pavërtetë se një supermarket në qytet ishte kontaminuar me COVID-19 kishte marrë hov të madh.
Artikullin e plotë mund ta lexoni në gazetën Koha Ditore. Klikoni këtu për t’u regjistruar falas. /Albinfo.ch
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?