Papa Françesku dekreton shenjtërinë e Nënë Terezës

Ashtu siç pritej, sot në Vatikan, Papa Françesku ka nënshkruar dekretin për shpalljen të shenjtë të Nënë Terezës. Dita kur kjo do të bëhet edhe praktikisht dhe me ceremoninë përkatëse, do te jetë 4 shtatori.

Nënë Tereza, shqiptarja e lindur në Shkup, qe shpallur në vitin 2003 «e lume» nga Papa Gjon Pali II në një ceremoni në Romüe para rreth 300 mijë besimtarëve.

Ndërsa në dhjetor të vitit që shkoi, Vatikani i ka njohur Nenë Terezës nje mrekulli të dytë që i përshkruhet se e ka realizuar, me çfarë janë plotësuar kushtet për shpalljen e shenjtërisë së saj, transmeton albinfo.ch.

Sot, me fillim në orën 10, tubimi i kardinalëve, (konsistorium) i drejtuar nga vet Papa Francesku ka caktuar datën e shenjtërimit të Nënë Terezës, shqiptares më të famshme në botë, me emrin civil Gongje Bojaxhiu.

Krahas misionares shqiptare, themeluese e rendit të motrave të bamirësisë, në këtë listë janë edhe martiri meksikan Jose Sanchez der Rio, polaku, themelues i një rendi kishtar, P. Johannes Papczynski, prifti argjentinas Jose Gabriel Brochero si dhe konvertitja suedeze dhe themeluesja e një rendi kishtar, Maria Elisabeth Hesselblad.

Ceremonia e kanonizimit të Nënë Terezës do të jetë në fakt njëri ndër kulmet e vitit të shenjtë, të cilin Papa Francesku ia ka kushtuar temës së bamirësisë, përcjell albinfo.ch.

Në takimin ose Konsistorium-in që u mbajt sot, vendimet i kanë marrë kardinalët së bashku me papën.

Ndihma që murgesha shqiptare u kishte dhënë më të varfërve në Kalkuta të Indisë, e ka bërë atë të njohur në gjithë botën.

4 shtatori 2016, kur ajo do të shpallet e shenjtë, bie pikërisht përvjetorin e 19-të të vdekjes së saj, e diel, 5 shtator, 1997.