Papunësia në Eurozonë bie në 8.8%

Norma e papunësisë ra në 8.8% të fuqisë punëtore, apo në 14.34 milionë persona në tetor, nga 8.9% që ishte në shtator

Inflacioni në Eurozonë është rritur poshtë projeksioneve në muajin nëntor,  duke treguar se rritja e çmimeve në bllokun e valutës së përbashkët qëndron e dobët.

Të dhënat mbështesin planin e Bankës Qendrore Evropiane në heqjen graduale të stimujve. Inflacioni në Eurozonë u rrit me 1.5% në nëntor, nga 1.4% që ishte në muajin e kaluar, duke mos arritur projeksionet në 1.6%.   Objektivi i BQE qëndron në pranë 2%-shit.

Rritja e indeksit të çmimeve erdhi kryesisht prej çmimeve më të larta në energjisë, në rritje me 4.7% këtë muaj nga 3% që u rritën në tetor. Çmimet e ushqimeve të papërpunuara u rritën me 2.4%,  nga 2.8% që ishin muajin e kaluar. Duke i hequr këto komponent të luhatur,  inflacioni bazë qëndroi i pandryshuar në 1.1%,  megjithatë sipër projeksioneve për një rritje me vetëm 1%, përcjell albinfo.ch.

Të dhëna të tjera nga Eurostat, treguan se rritja e fortë ekonomike ka ndihmuar në ulje në papunësisë në nivelin më të ulët që prej janarit 2009. Norma e papunësisë ra në 8.8% të fuqisë punëtore, apo në 14.34 milionë persona në tetor, nga 8.9% që ishte në shtator.