Paris: Kurti do të marrë pjesë në Forumin e Paqes

Kryeministri i Kosovës, Albin Kurti, ka udhëtuar sot drejt Francës, ku do të marrë pjesë në Forumin e Paqes.

Lajmin e ka konfirmuar zëdhënësi i Qeverisë së Kosovës, Përparim Kryeziu.

“Kryeministri Kurti sot ka udhëtuar për në Paris për të marrë pjesë në Forumin e Paqes”, konfirmoi ai.

Forumi i Paqes do të mbahet në Paris nën patronatin e presidentit francez, Emanuel Macron. Diskutimet do të mbahen gjatë të enjtes dhe të premtes, mes 450 pjesëmarrësve nga 130 shtete.

Sesioni i parë i këtij forumi është mbajtur në vitin 2018.