Parlamenti Evropian vendos për mosndërrimin e orës nga 2021

(KEYSTONE/Christian Beutler)

Parlamenti Evropian ka përkrahur propozimin që të ndalohet ndërrimi i obligueshëm i orës në vendet e BE-së. 

Me këtë vendim zgjaten ditët gjatë verës. Propozimi parasheh që nga viti 2021 shtetet të vendosin – ose të mbajnë kohën aktuale verore ose të largojnë ndërrimin e orës që ndodh dy herë gjatë vitit. 

Nën urdhrat aktualë të BE-së, të gjitha 28 vendet anëtare kalojnë në orën verore të dielën e fundit të muajit mars dhe kthehen në orën dimërore të dielën e fundit të tetorit, përcjell albinfo.ch.

Komisioni Evropian – përgjegjës për hartimin e ligjeve të BE-së, propozimin për ndalim të ndërrimit të orës e bëri gjatë vitit 2018, pas një konsultimi publik që rezultoi se 84 për qind e njerëzve ishin kundër ndryshimit të kohës verore e dimërore.