Pas sulmit në Vjenë: Burgosen edhe dy persona të tjerë

EPA/CHRISTIAN BRUNA

Pas sulmit në Vjenë: Burgosen edhe dy persona të tjerë

Në lidhje me sulmin terrorist në qendër të Vjenës, në të cilin katër persona u qëlluan nga një vrasës të hënën në mbrëmje, Gjykata Rajonale për Çështje Penale të dielën ndaloi edhe dy persona të tjerë në paraburgim. Ata janë  të moshës 21 dhe 23 dhe dyshohet se kanë qenë bashkëpunues i sulmuesit të natës së 2 nëntorit, tha zëdhënësi i gjykatës Christian Salzborn, shkruan krone.at.

Aktualisht në paraburgim janë 10 persona të moshës 16 -24vjeçarë, përcjell Albinfo Austria.

Në mes të arrestuarve është edhe shoqëruesi i sulmuesit, ku në vitin 2018 tentuan së bashku nga Turqia të udhëtojnë për në Siri për t’u bashkangjitur grupeve të IS-së. Shoqëruesi i sulmuesit të Vjenës në atë kohë ishte vetëm 16 vjeçar.

Sidoqoftë, para se të udhëtonin për në Siri, të dy u ndaluan në Turqi dhe u vendosën për një kohë të gjatë në paraburgim para se të ktheheshin në Austri. Në Austri ata u dënuan me 22 muaj burgim, por vetëm pak muaj më vonë, në dhjetor të vitit 2019 u liruan.