Pensionohet Fatmire Alushi Bajramaj

Fatmirja është kampione e dyfishtë e Evropës dhe një herë e botës. Ajo gjithashtu ka qenë e nominuar për futbollisten e vitit nga FIFA

Futbollistja më e njohur shqiptare, Fatmir Alushi ka vendosur të pensionohet nga futbolli, shkruan albinfo.ch.

Edhe vetëm 28-vjeçare ajo e mori këtë vendim në mënyrë që t’i përkushtohet tërësisht familjes së saj. Fatmirja është e martuar me futbollistin shqiptar, Enis Alushi, derisa kanë edhe një fëmijë.

Fatmirja është kampione e dyfishtë e Evropës dhe një herë e botës. Ajo gjithashtu ka qenë e nominuar për futbollisten e vitit nga FIFA.

Ajo ka luajtur për skuadra të njohura si Duisburg, Turbine Potsdam, Frankfurt dhe Paris Saint Germain.

“Pas një mendimi të gjatë dhe të kujdesshëm, unë kam vendosur të përfundoj karrierën në futboll. Ky vendim është shumë i vështirë për mua, sepse me gjithë qejf kam dashur të luaj sërish futboll në një klub tërheqës. Për fat të keq nuk ishte e mundur ta gjejmë një qytet për planet tona”, është shprehur Fatmire Alushi.