Për Calmy-Rey, raportet me BE-në, “sfidë e përhershme”

Barroso: "Duhet të bëjmë përparime në mënyrë që marrëdhëniet në mes të BE-së dhe Zvicrës të vazhdojnë të jenë të shkëlqyeshme"

Presidentja e Zvicrës dhe mninistre e jashtme e vendit ka zhvbilluar sot një vizitë në Bruksel, në selinë e Bashkimit Evropian. Me këtë rast ajo ka pasur një drekë pune me kryetarin e Komisionit të BE-së, Jose Manuel Barroso.

Siç bën të ditur portali i gazetës Tages Anzeiger, Barroso ka thënë se në tavolinë të bisedimeve kanë qenë një numër çështjesh të vështira dhe delikate që ngarkojnë marrëdhëniet në mes të Zvicrës dhe BE-së.

Duhet të bëjmë përparime në mënyrë që marrëdhëniet në mes të BE-së dhe Zvicrës të vazhdojnë të jenë të shkëlqyeshme siç kanë qenë deri më tani”. Por ai nuk ka konkretizuar se për përparimet në cilat çështje është fjala.

Ndërkaq presidentja Rey për marrëdhëniet Zvicër-BE ka folur si për një „sfidë të vazhdueshme”. Ajo nuk ka bërë të qartë nëse i ka sqaruar mikpritësit të saj se çfarë shpreson qeveria e Zvicrës që të ketë në kuadrin e pakos “Bilaterale 3”.