Lajme
Dhunë në ndeshjen FC Kosova – FC Versoix 2: një lojtar përgjigjet për tentimvrasje
Ndeshja e qershorit të vitit 2018 në mes të klubeve FC Kosova dhe FC Versoix 2, Dy lojtarë të FC Versoix 2 morën plagë të rënda
Pak para fishkëllimës që shënon përfundimin e ndeshjes së Ligës së Katërt në mes të FC Kosova dhe FC Versoix 2, kërcitën grushtat. Ndeshja e qershorit të vitit 2018 u kthye në sherr të madh, shkruan dsa.
Mbi dy vjet më vonë, në Gjenevë janë dënuar nga prokuroria futbollistët e dhunshëm – dy prej tyre do të përgjigjen para gjykatës penale. Njëri prej tyre duhet të përgjigjet për tentimvrasje të bërë me dashje, transmeton albinfo.ch.
Prokuroria publike ka dënuar shtatë të pandehurit e tjerë me urdhër penal.
Dënimet variojnë nga një gjobë me kusht prej 40 njësish ditore deri në 180 ditë burg, ka bërë të ditur të enjten prokurori publik i Gjenevës.
Dënimi për secilin të pandehur është përcaktuar në varësi nga niveli i përfshirjes së tyre në përleshje dhe nga pesha e fajit të tyre.
Procedimet kundër tre të akuzuarve janë ndërprerë.
Lufta në fushën e futbollit ndodhi pak para fishkëllimës së bilbilit për përfundimin e ndeshjes midis FC Kosova dhe FC Versoix 2, përcjell albinfo.ch.
Grindja midis dy lojtarëve ishte përshkallëzuar dhe mbështetësit e FC Kosova II kishin pushtuar fushën. Kjo zënkë e dhunshme la dy të plagosur rëndë në radhët e FC Versoix II.
Lista e akuzave kundër dy personave që duhet të paraqiten para gjykatësit është e gjatë. Njëri prej tyre përgjigjet për tentim vrasje me dashje, sulm, përleshje, fyerje, hyrje të paligjshme në Zvicër, qëndrim të paligjshëm dhe punë të padeklaruar, transmeton albinfo.ch.
I akuzuari i dytë do të përballet me akuzën për ngacmim, përpjekje për sulm të thjeshtë ndaj një personi të pambrojtur dhe sulm të përsëritur të thjeshtë fizik.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën