Kosova
Për grabitje të armatosur, 4 të akuzuar dënohen me 57 vjet e 10 muaj burg
Katër grabitësit më datë 30.03.2015 në qendrën tregtare “Albi Mall” në Prishtinë, kishin hyrë në objekt të maskuar dhe në lokalin “Don Caffe”, kanë marrë arkën dhe pastaj kanë vrarë rojën
Departamenti për Krime të Rënda nga Gjykata Themelore në Prishtinë ka dënuar katër të akuzuar për grabitje të rëndë me 57 vjet e 10 muaj burg. I akuzuari SH.C. është dënuar me 15 vjet burg për veprën penale vjedhje grabitqare, L.B. është dënuar me 17 vjet e 6 muaj për veprat penale vjedhje grabitqare, mbajtja në pronësi, kontroll, posedim apo shfrytëzim të paautorizuar të armëve.
I akuzuari i tretë L.S. është dënuar me 20 vjet e 6 muaj për veprat penale vjedhje grabitqare në bashkëveprim dhe mbajtja në pronësi, kontroll, posedim apo shfrytëzim të paautorizuar të armëve, ndërsa A.R. është dënuar me 4 vjet e 10 muaj për veprën penale ndihmë në kryerjen e veprës penale vjedhjes grabitqare.
“Të akuzuarve SH.C, L.B dhe L.S me aktvendim të veçantë iu është vazhduar masa e paraburgimit deri në plotfuqishmërinë e aktgjykimit, por jo më gjatë se dënimet e shqiptuara dhe koha e kaluar në paraburgim do t’ju llogaritet në dënimin e shqiptuar”, thuhet në vendimin e gjykatës.
Të akuzuarit, sipas vendimit, me qëllim të përfitimit të dobisë pasurore në mënyrë të kundërligjshme, paraprakisht kishin arritur marrëveshje gojore për të vjedhur.
Ata më datë 30.03.2015 në qendrën tregtare “Albi Mall” në Prishtinë, kishin hyrë në objekt të maskuar dhe në lokalin “Don Caffe” kanë marrë arkën dhe pastaj kanë vërejtur se tani i ndjeri N.R. është afruar afër kafenesë. I akuzuari L.S. me këtë rast ka shtënë ndaj tij me armë zjarri disa herë duke e lënë të vdekur.
Ky konsiderohet dënimi më i rëndë për vjedhje me pasja vdekje në Kosovë.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim