Për një ditë, tre pushues vdesin në plazhet e Shqipërisë, dy prej tyre nga Kosova

Dy pushues nga Kosova dhe një nga Tirana kanë vdekur në plazhet në Shqipëri të shtunën.

Në rastin e parë, në Durrës ka vdekur një 67-vjeçare nga Tirana. Dyshohet se ajo ka pësuar sulm kardiak sapo ka pasur kontakt me ujin e detit.

Në mbrëmje, në të njëjtën lagje të Durrësit është gjetur trupi i pajetë i një 70-vjeçareje nga Kosova, me inicialet N.H.. Dyshohet se ajo është mbytur aksidentalisht në det. Nga hetimet preliminare nuk janë vënë re shenja dhune.

Në rastin e tretë, një pushues nga Kosova ka vdekur në Velipojë. 82-vjeçari me inicialet I.M. dyshohet se ka pësuar arrest kardiak./TCH