Përfshihet nga zjarri autobusi që po shkonte në Gjermani, shpëtojnë pasagjerët

Foto FB: Granični prijelaz Maljevac

Rrugës për në Gjermani nga Sarajeva një autobus me 55 pasagjerë është përfshirë nga zjarri në një autostradë në Slloveni.

Sipas njoftimit nga autoritetet, nuk ka të lënduar, pasi të gjithë pasagjerët janë larguar në kohë nga automjeti, teksa autobusi është përfshirë nga flakët pak minuta pas mesnate.

Zjarrfikësit kanë siguruar vendin e ngjarjes, kanë shuar zjarrin që u përhap nga pjesa e motorit në gjithë autobusin, ndihmuan shërbimin e tërheqjes në largimin e autobusit të shkatërruar dhe liruan rrugën, përcjell albinfo.ch.

Administrata për Mbrojtje dhe Shpëtim të Republikës së Sllovenisë ka njoftuar se shërbimet emergjente janë kujdesur për rregullimin e komunikacionit në autostradë, largimin e autobusit të dëmtuar dhe largimin e udhëtarëve.