Lajme
Përse Zvicra nuk përkrah në tërësi sanksionet ndaj Rusisë?
Gjatë konferencës së sotme për media, një gazetar deshi të dinte pse Zvicra nuk miraton sanksionet e SHBA-së dhe BE-së "një-për-një"
Në pasditen e sotme, Këshilli Federal i përfaqësuar nga Presidenti Federal Ignazio Cassis (njëherësh ministër i jashtëm) dhe krerët tjerë të lartë të Ministrisë së Jashtme ka mbajtur një konferencë për media në lidhje me agresionin rus në Ukrainë.
“Sot është një ditë e trishtuar, që nuk kemi dashur ta shohim kurrë. Një konflikt i armatosur ka filluar në tokën evropiane, transmeton albinfo.ch. Këshilli Federal dënon veprimet e Rusisë në mënyrën më të ashpër të mundshme”, ka thënë Cassis.
Këshilli Federal i Zvicrës u bën thirrje palëve në konflikt të respektojnë të drejtën ndërkombëtare. Rusia, me agresionin që ka bërë, ka shkelur ndalimin e përdorimit të forcës dhe parimin territorial, raporton srf.ch.
Në sektorin financiar, shumica e sanksioneve të BE-së janë duke u përshtatur edhe në Zvicër
BE-ja, si reagim, ka lëshuar sanksione shtesë kundër Rusisë. Cassis në konferencën e sotme për media rreth kësaj ka thënë veç tjerash: “Sanksionet financiare dhe të udhëtimit janë vendosur. Sot Këshilli Federal ka forcuar qëndrimet e tij”. Këshilli Federal do të forcojë masat kundër atyre që pëpiqen të anashkalojnë sanksionet e BE-së, duke shfrytëzuar Zvicrën. Në sektorin financiar, shumica e sanksioneve të BE-së janë duke u përshtatur edhe në Zvicër.
Por përse Zvicra nuk i pranon sanksionet në mënyrë të plotë?
Gjatë konferencës, një gazetar deshi të dinte pse Zvicra nuk miraton sanksionet e SHBA-së dhe BE-së “një-për-një”.
“Kjo është kështu për një arsye: Zvicra nuk miraton kurrë sanksionet që vendos SHBA”, shpjegon Livia Leu, Sekretare e Shtetit në Departamentin e Jashtëm (EDA). Ligji i embargos na lejon që të miratojmë sanksione të vendosura nga partnerët tanë më të rëndësishëm tregtarë, përcjell albinfo.ch. Dhe, për Zvicrën, ky partner është kryesisht BE-ja. “Ne jemi një vend neutral”.
Sipas Leut, është e vështirë të përmbushësh një mandat të pushtetit mbrojtës nëse afrohesh shumë me pozicionet e subjekteve në konflikt”.
Të ngjashme
Të tjera nga Lajme
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
74 punonjës të Pfizer në Zug kërcënohen me largim nga puna Pasi mori përsipër specialistin e kancerit Seagen, i cili ka një degë në Zug, Pfizer zbuloi...
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in