Konjufca kërkon shkarkimin e shtatë ambasadorëve

Ministri i Punëve të Jashtme i Kosovës, Glauk Konjufca, propozon të shkarkohen disa ambasadorë politikë.

Ministri i Punëve të Jashtme i Kosovës, Glauk Konjufca, ka propozuar shkarkimin e disa ambasadorëve politikë, përfshirë edhe ambasadoren e Kosovës në SHBA, Vlora Çitaku.

Këtë Konjufca e ka bërë të ditur përmes një postimi në Facebook.

Ai ka thënë se këtë e ka bërë pasi që, sipas tij, këtyre ambasadorëve u kanë mbaruar mandatet, përcjell albinfo.ch.

Postimi i plotë:

Që në fillim të mandatit jam zotuar për vendosjen e rregullit dhe ligjit në Ministrinë e Punëve të Jashtme dhe Diasporës.

Një ndër hapat e radhës është edhe kërkesa për kthimin e ambasadorëve politikë që e kanë përfunduar mandatin 4-vjeçar, të paraparë sipas ligjeve në fuqi të Republikës se Kosovës.

Duke u bazuar në nenin 93, pika 8 dhe nenin 84 pika 25 të Kushtetutës së Republikës së Kosovës, si dhe nenin 13 të Ligjit nr.03/L-122 për Shërbimin e Jashtëm të Republikës së Kosovës (GZ. Nr 46/15 janar 2009) dhe bazuar në nenin 10 (paragrafi 9) të Rregullores për Shërbimin e Jashtëm dhe me qëllim të respektimit të nenit 7,7 të Ligjit Nr.03/L-207 për ndryshimin dhe plotësimin e Ligjit Nr.03/L-044 për Ministrinë e Punëve të Jashtme dhe Shërbimin Diplomatik të Republikës së Kosovës, (GZ.76, 10 gusht 2010), në emër të Qeverisë së Republikës së Kosovës propozoj tërheqjen nga misioni të këtyre ambasadorëve politikë:

Znj. Vlora Çitaku- Ambasadore e Kosovës në SHBA.
Z. Edon Cana- Ambasador i Kosovës në Bullgari.
Z. Lirim Grejçevci- Ambasador i Kosovës në Holandë.
Z. Shpend Kallaba- Ambasador i Kosovës në Hungari.
Znj. Mimoza Ahmetaj.

Z. Ylber Hysa-  Ambasador i Kosovës në Malin e Zi.
Z. Ramadan Avdiu- Ambasador i Kosovës në Zvicër.

---