Pesë ditë më shumë pushim atyre që nuk konsumojnë duhan

Një biznesmen gjerman u ka dhënë punonjësve të tij që nuk pinë cigare nga pesë ditë më shumë pushim vjetor, sesa ata që rregullisht janë konsumues të duhanit.

“Më herët në mesin e punëtorëve kishte grindje të vazhdueshme me arsyetimin se njëri prej tyre po shkonte sërish të pinte cigare. E kur e llogaritni kohën që ata e kalojnë duke pirë cigare, del se kanë pushuar më shumë”, ka deklaruar pronari i restorantit Helmut Glasd nga Nojshtat, transmeton Telegrafi.

Ky vendim i tij lëre që nuk është kritikuar, por madje ka hasur në përkrahje të madhe nga kolegët që kanë filluar të shqyrtojnë të njëjtën metodë të aplikimit të pushimit.

Ndryshe, ky burrë nga Gjermania ka të punësuar 12 persona, ku 5 prej tyre janë konsumues të duhanit siç është edhe ai vetë. E një punëtor i tij ka thënë se do ta lë cigaren me qëllim që të ketë më shumë ditë të pushimit.

Por, pavarësisht zotimit të tij, pronari i restorantit e ka zënë atë duke pirë cigare në bodrum – duke iu mohuar e drejtë t’i kërkojë pesë ditë shtesë të pushimit. E shefi i kuzhinës pas 15 vjetëve po mendon të heqë dorë nga cigarja.