Pesë gjëra që duhet të dini për Shqipërinë

KEYSTONE

Kampionati Evropian i futbollit po afrohet, derisa Shqipëria do të prezantohet për herë të parë. “AFP”, ka bërë një shkrim se cilat janë pesë gjërat më të rëndësishme të Kombëtares shqiptare, shkruan albinfo.ch.

“The Italian job-Puna italiane”

Jo shumë trajnerë janë dekoruar me yje nderi për punën që kanë bërë, por Gianni De Biasi arriti që të kualifikojë për herë të parë Shqipërinë në një Kampionat Evropian. Ish-futbollisti dhe trajner në Itali, 59-vjeçari, ka edhe pasaportë shqiptare, që tregon dashurinë e tij për këtë vend.

Mentaliteti ballkanas

Një kombinim i lojtarëve shqiptarë nga tërë diaspora u mblodhën nga Gianni De Biasi. “Shqiponjat” kanë pruar një mentalitet ballkanas të kombinuar edhe me përvojë si nga Italia, Gjermania dhe Zvicra. Arritën të befasojnë duke qenë në vendin e dytë pas Portugalisë, por duke lënë pas Danimarkën dhe Serbinë. Dy herë barazuan me Danimarkën, kurse ndeshja në Serbi u ndërpre dhe fitorja 3:0 i takoi shqiptarëve.

Vështirë të munden

Të përzgjedhurit e Gianni De Biasi kanë luajtur në stilin italiane me kundërsulme, duke e parkuar autobusin dhe duke i pritur kundërshtarët, një taktikë që ishte shumë e suksesshme, pasi kanë pranuar shumë pak gola. Mbrojtja përbëhej nga portieri Etrit Berisha, mbrojtësi i Napolit, Elseid Hysaj, Mërgim Mavraj, si dhe kapiteni Lorik Cana.

Pak gola

Bunkeri i Shqipërisë edhe mund të thyhet herët, siç ndodhi në ndeshjes testuese ndaj Austrisë, kur pranuan dy gola në 15 minutat e parë. Shqipëria arriti të shënojë pesë gola ndaj Armenisë, që ishte e fundit në grupe. Ata shënuan dy herë edhe ndaj Luksemburgut, por vetëm pasi kundërshtari ishte me një lojtar më pak. Dy gola nuk arritën të shënojnë ndaj Portugalisë, Danimarkës e Serbisë.

Befasia

Pasi nuk kanë çfarë të humbin, Shqipëria mund të jetë një befasi e pakëndshme për rivalët e grupit, sidomos Francën, që e kanë mundur 1:0, në miqësoren e zhvilluar vitin e kaluar. Për të kaluar grupin duhet një fitore dhe më shumë kanë gjasa ndaj Zvicrës, por edhe rivalëve ballkanik, Rumanisë.